العيال والقرآن - الجزء الرابع - النوتة والجدول والورد - تنظيم الحفظ والمراجعة.
ادعمنا بـ شير على الفيسبوك - اضغط هنا
🚦الموضوع مناسب للسن من أول أولى ابتدائي وطفل حافظ جزء عمّ على الأقل خلاص وبدأ في تبارك إلي سن10-12 سنة مثلا.. بعد هذا السن، تلقائيًا الولاد بيكون الورد الخاص بهم لا محتاج نوتة.
🍄أولا: شكل النوتة
🔹نحضر نوتة جميلة بقلم لطيف، ونسميها نوتة الوِرد القرآني.
🔹نحضر نوتة فيها نموذج لصفحة الورد اليومي: اليوم ميلادي وهجري/الحفظ/ الجديد/ الماضي/ السماع/ التفسير/ إمضاء حامل القرآن/ إمضاء المشرف.
🔹الموضوع ف حالة إنك معود أولادك إنهم يحفظوا و يسمّعوا لبعض، لكن في حالة إنك انت اللي بتسمّع لابنك، الأفضل يكون عندك نوتة أيضًا عشان يحس بالقدوة والمشاركة، لو في صعوبة في احضار نوتة نصمم نوتة بجداول وكل أسبوع تقريبا نعمل الجدول الجديد، وهو يمشي عليها. ونفهمه طريقة تقسيم الورد، بحيث يتمرن على التخطيط، وبعد كدة يعمل الجدول هو بنفسه - بتعلمه يخطط وبتعلمه الأمانة والدقة كمان - وطبعًا تتابع النوتة كل يوم في الأول لحد ما يحس بالحزم، ثم تتابع على فترات عشوائية، ولما تلاقيه ماشي على النوتة 80% شجعه طبعا والفت نظره إن فيه 20% واقعين بس هنعديهم عشان أنت لسه بتتمرن وعشان أنت ولد مجتهد. حتى لو النسبة 50% برضوا ناجعة لو هو طفل ملول وبيحصل إحباط بسرعة.
🍄ثانيًا: كيفية عمل جدول لأولادك؟
🌱الأطفال في دراسة الأزهر (دراسة إسلامية)🌱
▪️معروف إن المدرسة حتى لو أزهر مش بتحفظ الأطفال القرآن إلا نص جزء عمّ مثلا في الحضانة, ومعروف إن أزهر ليهم منهج قرآن يتختم على إعدادية.
▪️الهدف على المدي القريب:
إن ابنك يحفظ المنهج قبل الدراسة، بحيث في الدراسة يبقى بيراجع فقط مع الفصل كتثبيت حفظ وبالتالي يبقى متفوق دايما في حصة القرآن إن شاء الله ويجيب مركز آخر السنة فيه.
▪️الهدف على المدي البعيد:
إن ابنك يحفظ زيادة عن المنهج بجزء مثلا لو ما شاء الله ربنا بارك في الوقت والنشاط.
▪️العمل علي تحقيق هذه الأهداف؟
نحدد الكمية في كل خانة حسب اتفاقك مع ابنك والخطة، وتتابعها يوميًا.
▪️الخانات الموجودة في النوتة عبارة عن:
أولًا: خانة الحفظ⭐️
➖كل سنة في أول الإجازة الكبيرة - بعد مرور شهر من بدء الإجازة - أبدء أحصر عدد الأجزاء اللي على ابنك يحفظها في المنهج للسنة القادمة .. وليكن مثلا عليه 3 أجزاء، يعني 3 أجزاء × 20 صفحة = 60 صفحة.
➖شوف الإجازة كام شهر لحد الدراسة .. وليكن مثلا من شهر 5 لشهر9 تقريبًا, حوالي 5 شهور.. نقسم عدد الصفحات - 60 صفحة - على 4 شهور فقط - اللي هما بالأيام = 4شهور× 30 يوم يعني 120 يوم - مش نقسم على 5 شهور لازم نعمل حساب إن فيه أيام فيها ظروف بتوقف الحفظ وليكن شهر تقريبًا، خلي جدولك مرتاح عشان تقلل التوتر- المهم نقسم 60 صفحة على 120 يوم، الناتج = نص صفحة في اليوم.
➖لو ابنك قادر يحفظ نص صفحة في اليوم= خير وبركة هتخلصوا إن شاء الله قبل الدراسة ويمكن قبلها بشهر.
➖طب مش قادر بعد ما جربت كل الطرق الموجودة في المقالات الماضية؟ الحل نقلل الي تلت صفحة بدلا من نص صفحة, يعني 5 سطور لإن الصفحة 15 سطر.
➖في حالة ان ابنك منهجه أكبر من كدة؟ نبدأ من أول الإجازة مش بعد شهر، ونقلل فرص الوقت المهدر قدر الإمكان، أو ندخل الدراسة بنسبة بسيطة فقط من المنهج لم يحفظ - أمرها سهل جدا بقا ومعكم وقتك طول الدراسة.
➖لو تسميع الحفظ كان متوسط؟ عادي لإن هو هيسمعّ مرة اخري بكرة وطول الأسبوع في المراجعة.
➖لو تسميع الحفظ كان وحش جدًا؟ يسمع مرة اخري بهدوء وبدون تعصب.
ثانيًا: خانات تثبيت الحفظ⭐️
➖عندنا 3 خانات لتثبيت الحفظ، خانة للماضي وخانة للجديد وخانة للسماع.
1️⃣ خانة الماضي
🔺هو القرآن المحفوظ قديمًا كويس ومستقر في القلب, بهامش خطأ مسموح به في الوجه القرآني الواحد غلطتين أو ثلاثة فقط.
🔺في حالة أكتر من غلطتين ثلاثة, تتراجع ونضع له في الماضي
🔺في حالة حفظها صعب وفيها أخطاء كتير؟ يبقى نضعها في اللي عليه إنه يحفظه في الحفظ.. ومش هتاخد وقت لإنها محفوظة بنسبة.
🔺حجم الماضي في اليوم
للكبار: يكون جزء, مابياخدش في القرأة بالحدر السريع تلت ساعة طالما محفوظ كويس.
للأطفال: هيكون حزب كحد أقصى, والحد الأدنى هيبقى حسب قدرة ابنك، فيه طفل يقدر على حزب في اليوم (10 صفح أو أربع أرباع) وفي طفل يقدر على نص حزب (5 صفح أو ربعين) وفيه طفل لسة صغير وملول مش بيقدر غير على ربع واحد فقط, استوعب دة وعوض بكثرة السماع للقرآن ليل نهار في البيت, ولاتقلق، ذاكرة الأطفال سهلة.
🔺في حالة تسميع الماضي كان متوسط؟ يعيده تاني يوم.
2️⃣ خانة الجديد
🔺هو القرآن المحفوظ حديثًا وبيذيد تراكميًا كل يوم بس لسه لم يصل بعد لأن يكون حجمه بمقدار معين نسميه "ص" - يعني أول ما عدد الحفظ الجديد التراكمي يصل لعدد معين من الصفحات "ص" - مثلا جزء أو حزب أو نص حزب - نشيل مراجعة الحزب ده من خانة الجديد ونحطه في خانة الماضي في الآخر خالص يأخد دوره في الدورة الطبيعية للماضي, طب خانة الجديد اصبحت فاضية؟ نعم ونرجع نملاها مرة اخري دوريًا كل يوم تراكميًا لحد ما توصل مرة اخري لعدد الصفحات "ص", وهكذا...
🔺مقدار خانة الجديد في اليوم:
إما بالسورة, لو إحنا بنحفظ في الأجزاء الأربعة القصيرة الموجودين في اخر المصحف بتكون السورة حوالي صفحتين ثلاثة -
إما بالصفحة لو كبرنا خلاص وبدأنا ندخل على السور الطوال.
🔺في حالة بالسورة؟ يبقى خانة "الجديد" هتبقى فيها دايمًا السورة اللي لسه حافظها آخر حاجة قبل ما بدأ السورة الجديدة بالإضافة إلي ما تم حفظه مؤخرًا من السورة الحالية، إلي أن ما يبقى في الجديد السورتين كاملين مع بعض. لو حدث ملل من الطفل ننقص من صفحات السورة اللي قبلها كل ما الصفحات المحفوظة من السورة الجديدة زادت.
🔺في حالة بالصفحة؟ يبقى خانة الجديد هيكون فيها حوالي من 5 إلي 10 صفح مما تم حفظه مؤخرًا قبل السورة الحالية مباشرة, حسب طاقة ابنك, أهم شيئ، اوصل معاه دايمًا لأحسن إتفاق يحقق الخطة وف نفس الوقت يرضيه، وأهم حاجة إن أي حفظ جديد من السورة الجديدة هنراجعه تاني يوم في خانة المراجعة.
🔺مقدار الخطأ المسموح به في تسميع الجديد؟ العادي خطائين في الصفحة، لو أكتر من كدة الطفل يراجعها مرة أخري😎.
🔺أحيانًا لو مقدار التسميع عليهم كتير نختصر من خانة الجديد بطريقة لطيفة, نجعلهم يمتحنوا في نص الكمية ويسمّعوا نصها الثاني, بس بشرط: تكون فعلا بقت متقنة، ولو غلط في الصفحة غلطتين يراجعها ويسمعها كاملة.
3️⃣ خانة السماع
🔺أولا حاول تشتري لكل للطفل ام بي ثري ليس هاتف, كهدية يكون سهل الاستعمال ونزل عليه أجزاء القرآن اللي هيتم حفظها أو مراجعتها، مبدئيًا بصوت الشيخ اللي يحبوه –سواء المصحف المعلم أو لا حسب ذوقهم, لا تضع القرآن كله لأنه سيزحم البحث عندهم بالإضافة إلي إن بعد فترة سيطبلون تغيير الشيخ بشيخ آخر💚.
🔺في حالة عدم توفر إمكانيات لشراء إم بي ثري؟ خلاص نزل على موبايلك أو التابلت أو الاثنين قرآن، أو كاسيت من القديم يكون في غرفتهم تشغل فيه القرآن قبل النوم.
🔺في حالة عدم توفر مساحة على جهازك؟ يوجد موقع للسماع فقط - بدون تحميل -
اضغط هنا للذهاب إلي المصحف المعلم
🔺السماع للماضي والا الجديد والا الحفظ؟
الإختيار متروك لك.
ثالثًا: خانة للتفسير⭐️
➖الكتاب: التفسير الميسر للقرني أو كتاب اسمه التفسير الميسر إعداد نخبة من العلماء، أو كتاب المختصر في التفسير (الخاص ببرنامج مدكر، تطبيق آية على جوجل بلاي)، أو كتاب التفسير الوجيز د.وهبة الزحيلي.
يفضل نسخة تفسير لكل طفل.
➖المقدار؟ حسب سنهم طبعًا
ابتدائي: يقروا صفحتين - ماشيين بالصفحة مش بالسورة عشان نثبت الكمية ولا تتغير حسب حجم السورة, وطبعًا كل فترة نشوف فهموا إيه ونتناقش.
🌿🌿أسئلة شائعة:
👀ما هي خانة الإمضاءات؟
➖الإمضاء الأول: لحامل القرآن صاحب النوتة, بيكتب بنفسه الورد الخاص به اللي عمله في كل خانة, أو هو يعلم صح على الخانات.
➖الإمضاء التاني للمشرف: ممكن يكون أخوه أو المحفظ حسب النظام - عشان يتأكد إن الورد المعمول موافق للورد المطلوب.
👀 ما فائدة تاريخ اليوم؟
➖للمراجعة ومعرفة ما حدث