العيال والقرآن - الجزء الخامس - طرق تيسير الحفظ و برامج الحفظ
ادعمنا بـ شير على الفيسبوك - اضغط هنا
طرق وبرامج لتيسير حفظ وفهم القرآن.
أولا: خطط الحفظ📚
🚦المصحف 600 صفحة تقريبًا.. كل صفحة 15 سطر تقريبًا، يعني إن شاء الله:
لو ابنك هيحفظ سطر في اليوم = يختم في 25 سنة 😁
لو هيحفظ سطرين ف اليوم = يختم ف 12 ونصف - 13 سنة
لو هيحفظ ربع صفحة ف اليوم = 3 أسطر ونص = يختم في مدة من 7-8 سنين
لو هيحفظ تلت صفحة ف اليوم = 5 أسطر = يختم في مدة من 5-6 سنين
لو هيحفظ نص صفحة في اليوم = يختم في مدة من 3 ونصف - 4 سنين
لو ابنك هيحفظ ثلثين صفحة ف اليوم = 10 أسطر= يختم ف مدة من 2 ونص - 3 سنين
لو هيحفظ صفحة في اليوم = هيختم في 20 شهر = تقريبًا سنتين
🚦المقصود👀؟
إن حتى لو الطفل طول عمره بطيء جدًا في الحفظ = لايوجد عذر في عدم تحفيظه، لإنه لو هيفضل طول عمره بيحفظ في اليوم سطرين فقط يبقى خير جدا برضو إنه يخلص بعد 13 سنة، وما المانع!.. مش أحسن من انه ما يحفظش؟ ❤️
من الأكيد ان مقدار الحفظ يذيد مع الوقت. أكيد كل مرحلة عمرية وليها قفزة معينة حسب قدرته.
⭐️نصيحة⭐️
➖غالبًا كلنا ننتقل في هذه المراحل حسب كل مرحلة عمرية لأولادنا وللتثبت عند مقدار ثابت للحفظ.
➖غالبًا نبدأ بأقل كمية مقبولة = 3 أسطر في اليوم، لو بدأوا حفظ من سن 5 سنين في المتوسط.
➖لو نفَسك طويل وهمتك عالية = ابدأ تحفيظ لابنك من قبل 5 سنوات، من أول ما ينطق تقريبًا، ولو حتى يحفظ سطر في اليوم. ومع الوقت يكبر ونزيد المقدار تدريجي. وكل ما بتلقنيه بصوتك آية ويرددها كل ما دة بيصب مباشرة في صحيفتك.
➖لكن لو نفسك قصير وغير متاح وقت للتلقين الشفوي المكرر لابنك = اكتفي بإنك تشغل له القرآن يوميا في البيت – جزء عم كبداية - بحيث يتعود عليه كفترة تمهيدية للحفظ، ثم ابدأ تحفيظه رسميا من سن 5 سنوات مثلا لما يكون خلاص بدأ يعرف يقرأ لغة عربية.
➖طول ما ابنك أقل من 7 سنين أجعل كمية الحفظ بسيطة لا تتجاوز النص صفحة = سبع سطور ونص، ولو عنده صعوبة يبقى يكون الحفظ لا يتجاوز التلت صفحة = 5 أسطر.
➖لما ابنك يكبر عن 7 سنين وإمكاناته الذهنية تكبر، نزيد الكميات لنص أو تلتين صفحة في اليوم باتفاق ودّي معاه وتشجيع، بدون غصب.
➖غالبًا قبل سن 7 سنوات ابنك هيتقبل تكرار الآيات فهيبقى متقبل برامج القرآن الموجود فيها التكرار بسهولة، بعد كدة يكون عاوز ينجز فهيبقى بيفضل المصحف الملعم عنهم عشان التكرار فيه مرتين فقط.. بعد كدة خالص هيكون عاوز قرآن عادي خالص بدون تكرار مطلقا، يبقى بيراجع معاه فقط مش بيحفظ.
➖أهم شيء بشكل عام: لا تجعل كمية الحفظ صفحة في اليوم أبدا، إلا لو ابنك كبر خلاص وتخطي سن العاشرة مثلا وهو بنفسه اختار كمية الحفظ تكون صفحة للإسراع في ختم القران ويفرح، وف نفس الوقت مش مقصر في المراجعة.
ثانيًا: طريقة الحفظ 📚
🚦لو الطفل أقل من 5 سنين ولا يستطيع القراءة، هتبدأوا حفظ من آخر المصحف لأن الآيات قصيرة مناسبة لنفسه القصير، نقرأ الآية بصوت عالي ويردد، ثم تعيد مرة أخرى ويردد ثم مرة ثالثة ويردد، ثم تطلب منه التسميع منفردا، ثم تنتقلوا إلي الآية التالية بعدها بنفس الطريقة.. ثم تطلب منه أن يسمع الآية الأولى ومعها الآية التانية: منفردا، ثم تبدأوا بنفس الطريقة مع الآية التالتة وتكرروا نفس الطريقة، حتى الانتهاء من 3 آيات؟ نترك الثلاث آيات وابدأوا 3 آيات جداد بنفس الطريقة، وبعد الانتهاء منهم أيضا يكون معكم 6 آيات؟ نرددهم مع بعض مرة بنفسك وبعدها يسمعهم لوحده مرة. لو كان في صعوبة؟ كرر العملية اللي الماضية لكن بدلاً من تكرار 3 مرات يكون التكرار 5 مرات، لو حدث ملل يمكن أن نقلل كمية الحفظ.
🚦لو ابنك أكبر من 5 سنوات ويستطيع أن يقرا نوعا ما، هتقروا السطور اللي هيحفظها معا حوالي 3 مرات، ونشير الي الكلمات باليد على حروف السورة ونجعل الطفل يقرأ قبل منك حرف حرف بحركات التشكيل، أول مرة أكيد هيغلط كتير ويكون بطيء لإن حروف الرسم العثماني مختلفة قليلا في الشكل عن الحروف التي يدرسها في المدرسة، اصبر لإنه بتعلم أنه يتعود على رسم المصحف لكي يستطيع الحفظ منفردا بدون اعتماد على حد، بعد الانتهاء من القراءة وأصبح يستطيع القراءة جيداً، هناك حل من اتنين:
1- إما يجلس على جنب يحفظهم لوحده تماما.
2- إما يحفظ عن طريق برنامج تحفيظ، دة برنامج بيبقى فيه خاصية تكرار الآيات الي عشرات المرات.
روابط وأسماء برامج لتيسير الحفظ
1️⃣برامج للابتوب✔️
🔺برنامج آيات: أشهر بنامج، وفيه خواص كتير جدا من ضمنها وجود صورة لصفحات المصحف زي الحقيقي، بحيث الطفل يثبت عنده الحفظ بشكل وموضع الآية الثابت، وأيضا فيه خاصية تكرار فقرة آيات على بعضها عدد معين أو آية آية عدد معين، و فيه قراء كتير وتفسير.
🔺برنامج اسمه "تحفيظ القرآن" نفس خواص التكررا اللي فاتت، نفس الموقع دة فيه برنامج تعليم التلاوة وفيه خاصية التكرار.
🔺برنامج : للاطفال وللكبار و فهي كل أنواع القراءات وكل مايخطر على بالك من شيوخ -مرتل ومجود -وممكن لحفظ السور الكبيرة لإن انت تتحكم حتى لو بتكرر سورة كبيره ربع ربع او صفحه صفحه او آيه آيه وكل مقطع او مجموعه آيات تعمل لها تكرار تاني يعني بداخله تكرار المقاطع في تكرار للايات لحد 10 مرات.
2️⃣برامج للموبايل والتابلت من جوجل بلاي✔️
🔺برنامج عدنان معلم القرآن، جزء عم فقط
🔺برنامج آيات هو نفس اللي فوق بس دي نسخة الموبايل
🔺برنامج المصحف المعلم للقرآن كاملا بيكرر الآية مرتين فقط مرو بصوت الشيخ ومرة بصوت أطفال، هو المنشاوي والعزازي فقط. والولاد بيعرفوا يتعاملوا معه بسهولة.
🔺برنامج المصحف المعلم جزء عم—الشيخ العزازي فقط
🔺برنامج المصحف المعلم جزء تبارك—الشيخ العزازي فقط
🔺لو مصحف معلم لأي جزء بشكل مستقل ابحث في جوجل بلاي بكلمات البحث "مصحف معلم الجزء كذا" وتحط رقم الجزء أو اسمه.
🔺لو ابنك بيحب شيخ معين برضو ابحث ف جوجل بلاي على "القرآن بصوت فلان الفلاني".
🔺غالبا البرامج كلها بتحتاج فيها نت أول مرة فقط: بتنزل السورة مرة واحدة من الانترنت ثم بعدها يعمل أوفلاين عادي.